സ്കോഡ ലോറ

ചെക്കോസ്ലോവാക്യന്‍ ആഡംബര കാറായ സ്കോഡ, ലോറ എന്ന സുന്ദരിയെ അണിയിച്ചൊരുക്കി ഇന്ത്യന്‍ വിപണിയില്‍ എത്തിച്ചു. ഡീസല്‍ എഞ്ചിനുകളുമായി മാത്രം ഇറങ്ങിയിരുന്ന സ്കൊഡയുടെ വാഹനങ്ങളില്‍ നിന്ന്‌ വ്യത്യസ്തമായി പെട്രോള്‍ എഞ്ചിനുമായാണ്‌ ലോറയുടെ വരവ്. ഡീസല്‍ എഞ്ചിന്‍ തന്നെ വേണമെന്നുള്ളവര്‍ക്ക് ഇപ്പോളുള്ള രണ്ടു ഡീസല്‍ എഞ്ചിനുകളും തിരഞ്ഞെടുക്കാം. ഫോക്‌സ്‌വാഗണ്‍ ജെറ്റയുടെ അതേ പ്ലാറ്റ്‌ഫോമില്‍ നിര്‍മ്മിക്കപ്പെട്ടതാണ്‌ ലോറ. ഒക്‌ടാവിയയെ നിലനിര്‍ത്തിക്കൊണ്ടാണ്‌ ‍സ്കോഡ ലോറയേയും അവതരിപ്പിക്കുന്നത്. വലിപ്പം കൂടിയ ഹെഡ് ലൈറ്റും, ഗ്രില്ലും. ഗ്രില്ലിന് ചുറ്റുമായി ക്രോമിയം ഫിനിഷിംഗ്. ഗ്രില്ലിന്‍െറ മുകളിയായി, തൊട്ടടുത്ത്‌ സ്കോഡയുടെ ലോഗോ. ബോണറ്റില്‍ നിന്നും ഒരു കട്ടിംഗ്‌ ഗ്രില്ലിലേക്ക്‌ ഒഴുകിയിറങ്ങുന്നു. ഗ്രില്ലിന് താഴെയായി വലിയ എയര്‍ ഇന്‍ടേക്ക്‌. വലിപ്പമേറിയ 16 ഇഞ്ച്‌ അലോയ് വീലുകള്‍.

ടയറുകള്‍‍ക്കിടയിലായി ഡോറുകള്‍ക്ക് മീതെ സെറ്റ് ചെയ്തിരിക്കുന്ന റെയില്‍ സൈഡ് വ്യൂ സുന്ദരമാക്കുന്നു. സാങ്കേതികതയിലും നിര്‍മ്മാണ മികവിലും ഇന്റീരിയറിലുമെല്ലാം പുതിയ ലോറ വളരെ മുന്നിലാണ്. നല്ല സ്ഥലസൗകര്യം. ഉള്ളില്‍ ബീജ്, കറുപ്പ് സങ്കരം.

മുന്‍ സീറ്റുകള്‍ക്ക് ഹീറ്റിംഗ് സൗകര്യം. 12 തരത്തില്‍ ക്രമീകരിക്കാവുന്ന ഡ്രൈവര്‍ ലതര്‍ സീറ്റുകള്‍. ലെഗ് സ്പേസ് ആവശ്യത്തിലും അധികം. അഡ്‌ജസ്റ്റബിള്‍ ടെലിസ്കൊപിക് സ്ടിയറിംഗ്. ആധുനികമായ ഇന്‍സ്ട്രുമെന്റ് പാനല്‍. ആറ്‌ സ്പീഡ് ഓട്ടോമാറ്റിക്‌ ഗിയര്‍ ബോക്സ്‌. 12 സ്പീക്കര്‍ ഓഡിയോ സിസ്റ്റം. പിന്നിലും നല്ല ലെഗ് സ്പേസ് ഉണ്ട്. മൂന്നു പേര്‍ക്ക് സുഖമായി ഇരിക്കാം. അഡ്ജസ്റ്റ് ചെയ്യാവുന്ന ഹെഡ് റെസ്റ്റുകള്‍. ഈ സെഗ്മെന്റില്‍ ഉള്ള വണ്ടികളില്‍ ഏറ്റവും നല്ല ഉള്‍വശം. ഡ്രൈവിംഗ് സ്മൂത്ത്‌ ആണ്‌. കുണ്ടില്‍ ചാടുന്നതൊന്നും വണ്ടിക്കുള്ളില്‍ ഫീല്‍ ചെയ്യില്ല.
കരുത്തന്‍ 1798 സിസി പെട്രോള്‍ എഞ്ചിന്‍ 13 കി.മി മൈലേജ് തരും. 1968 സിസി ഡീസല്‍ എഞ്ചിന്‍ ആണെങ്കില്‍ 17 കി.മി മൈലേജും തരും. പിന്‍ഭാഗത്തെ കോംബിനേഷന്‍ ലാംപുകള്‍ പുതിയതാണ്‌. ടെയില്‍ ലാംപുകള്‍ക്കിടയില്‍ ക്രോമിയം ഫിനിഷ്. ബമ്പറില്‍ രണ്ടു റിഫ്ലക്‌ടീവ് മിറേഴ്‌സ്‌ ഉണ്ട്. ഇരട്ട പുകല്‍ക്കുഴല്‍. 
വില 13,29,549 മുതല്‍ 17,95,908 വരെ.

എതിരാളികള്‍:
ഷെവര്‍ലെ ക്രൂസ്